About Sarah

إلى مفكرتي العزيزه <<<< والله انت الوحيده الي بتعطيني وجه
خير الكلام ما قل ودل <<< طيب نشوف

ما كنت أتوقع إني أحب الكلام ..في شخص له جزيل الشكر في إني قررت اكتب مذكراتي ..طبعا مو بس عشان انو حياتي مثيره ومليئه بالمغامرات والاكتشافات العظيمه .. غير كده هيا بالنسبه ليه لمجرد الكلام وتدوين الافكار والأراء والمواقف في حياتي الملعبكه يعني الملخبطه والجميله والمفيده .. المهم بدل ما اكلم الناس عن نفسي اتكلم مع نفسي عن نفسي حيكون كده اجمل ….اشعر في هذه الللحظات بالقهر قرف والله قمه في قلة الادب عن ايش مو لازم تعرفو …المهم خليني اطرح الوضع او اتكلم كده بهداوه لانو شكلو كده انا داخله عرض ومحدفاهم انا مين وبتكلم عن ايش وليش بتكلم اساسا طيب نبدا باني اعرفكم بنفسي انا انسان الجنس فيمال العمر 21 وبلاش التدقيق في الكلام دا وخلينا اصحاب مع انو وعد اني ما اكدب ولا في شي حساس زي دا دليل على اني صادقه المهم كنا فين ايوا الحاله الاجتماعيه عزباء.. ماعلينا .. نجي للجرح او اقصد للمهم ادرس ايش ..حزرو وحدا بالجنان دا واللخبطه دي حتكون بتدرس ايش …اقتصاد و اداره لا غلط …طبخ….قربتو شويه ..كاتبه لا طبعا …بالله مو واضح >>>>>>طب ولأ وكمان طب بشري …اآآه باين التخريف دي اول اعراض الطب انو الواحد يقعد يتكلم كلام مو مفهوم ومالو علاقه ببعض هوا حيتكلم لمجرد الكلام ..طيب مو مشكله ..ها في احد بيسال ليش دخلت طب …لا معليش الاسئله اخر المحاضره لووووووول …معليش على الخفه برضو دي اعراض .. طيب نرجع للموضوع ..الساعه وحده ونص ولازم انام لكن هيهات هيهات انو النوم يجيني ايوا وحده من الاسباب الي خلتني اكتب انو انا ما يجيني النوم بسرعه اروح الجامعه دائما مسطله… طيب نكمل تعارف عرفنا التخصص ..دحين المدينه جده الجميله والي سارت مررره زحمه وعشان توصلي الجامعه يبغالك يوم كامل يوم روحه ويوم جيه مو موضوعنا المهم .. طيب العائله الكريمه ..ابي وهو رجل اعمال كتير الترحال ,امي ربة منزل طيبه وحنونه وشجاعه << سار فلم هندي … عندي اختين .. وحده اكبر مني لميس وهيا سنه سادسه طب ومتزوجه .. ( أي دونت نو هاو شي كود هاندل ايت << ذا ميرج نوت هير هازبند << هير هازبند ماشاء الله مثال يحتذى به في التعاون والصبر وتحمل افات المدسن ) والي اصغرمني ماريا ديكور او ما يسموه ديزاينينج ( بجد انا مني فاهمه هوا تخصصها ايش) بس يعني هيا الوحيده الي فلتت بجلدها من مصيدة الطب القاتله ..الله المستعان ..طيب مين كمان لازم تعرفوا ..اه السواق( رمان )دا اسمه ما بمزح والشغاله (سميره) اهم اعضاء في المنزل بدونهم الحياه ما تمشي ..طيب كده تقريبا عرفتو انا مين وليش انا هنا << طبعا لتسليتكم كنت احسب هذا واضحا ؟؟
كده يكفي اذا في أي استفسار او أي اسئله … احسللكم لا تسألو ولا تستفسروا ودعو اللقافه جانبا وتمتعوا

ملاحظه :
بما انو دي مذ كراتي انا ساره ولا تخص أي شخص اخر فلا يسمح لاحد للإطلاع عليها ولو من قبيل الصدفه …واذا تم الاطلاع عليها من قبل أي شخص ..فلا يلومن الا نفسه .فان العقاب شديد ..واولها الملللللللل الشديد ..والادمان عليها ..واعراض التخلص من الادمان ..من صداع وغثيان واكتئاب حاد الخ….وقد اعذر من انذر..محدثتكم ساره من جده من البيت الساعه الخامسه فجرا من يوم الخميس ..

ملاحظه من المؤلف :
افكار واراء ساره لا تنم عن افكار واراء المؤلف ..وهذه المذكرات لا نقصد بها جه معينه او شخص معين بذاته ..انما هي مواقف خياليه مستقاه من الواقع .. وتشابه الاسماء والاماكن صدفه بحته ..وليس غرض هذه المذكرات النقد او الاصلاح او الذم ..انما هيا للتسليه فقط ..
دمتم بسلام ..المؤلف

3 comments on “About Sarah

  1. Fadiosis™ كتب:

    سويت rate down بالغلط… ماني قادرة امسك اليد :P
    بس مرة اتحمست الله يرج اباليسك…
    برب اقرا الباقي :P

  2. لينة كتب:

    لوهلة اعتقدت ان سارة شخصية من خيال ليفرعمر!

  3. غير معروف كتب:

    هل انت ادريس من حريب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s